Búscanse bibliotecarios

Ola amiguiños e amiguiñas!!

Este novo curso, e á vista do éxito da experiencia do ano pasado, buscamos novos amantes dos libros e da lectura que queiran colaborar coa nosa biblioteca nalgúns dos servicios que ofrece e nalgunhas das actividades que nela se desenvolven (empréstitos de libros, organización do fondo bibliográfico, participación en actividades de animación á lectura...).

Se estades interesados en convertirvos en "bibliotecarios e bibliotecarias oficiais" non dubidedes en cubrir a ficha que se lles entregará ás titoras de 6ºA e 6ºB. Agardávosmos!!

Un RUXI - SAÚDO a todos!

Horarios de apertura

Ola amiguiños e amiguiñas!!

Xa sabedes que a biblioteca escolar está en funcionamento durante os recreos para que poidades facer uso dela, así como de todos os recursos que nela atoparedes. Organizamos os recreos para que todo o alumnado teña o seu ratiño para ler, devolver libros ou realizar novos empréstitos. 
O horario fixado será o seguinte:

	LUNS	MARTES	MÉRCORES	XOVES	VENRES
1º RECREO	TERCEIRO	QUINTO	SEGUNDO	CUARTO	SEXTO
PROFESORADO RESPONSABLE	EVA	MARTA	ÁNXELA	MARTA	BEATRIZ
2º RECREO	SEXTO	SEGUNDO	TERCEIRO	QUINTO	CUARTO
	EVA	MARTA	ÁNXELA	MARTA	BEATRIZ

Pola súa parte, o alumnado de 1º de Primaria e Educación Infantil poderá facer uso da biblioteca escolar acompañado pola súa titora correspondente nas horas seleccionadas polas mesmas.

Agardamos a vosa visita. Un RUXI - SAÚDO a todos e todas!!

MICRORELATOS DE SAMAÍN

Mouchos, coruxos, sapos e bruxas

demos, trasnos e diaños...

É o conxuro da queimada? Non, son as Olimpíadas terroríficas do Ruxidoiro. Chegou esta bruxiña para presentar aos gañadores e gañadoras do concurso de micro-relatos de terror.

Aí tedes ao alumnado que encheu de historias de medo o noso colexio.                                          Pasámolo de medo!

DÍA DAS BIBLIOTECAS

Para celebrar o Día das bibliotecas, que mellor que inaugurar a nosa Bibliopatio.

        14 DE OUTUBRO: DÍA DAS MULLERES ESCRITORAS

O Equipo de Biblioteca en colaboración co Equipo de Dinamización da Lingua Galega organizan un concurso de

MICRO-RELATOS DE TERROR

para o alumnado de 5º e 6º. Os relatos deberán entregarse ao profesorado titor nas aulas. Revisarase a ortografía, a boa letra e unha axeitada presentación. Podedes ilustrar o voso micro-relato como queirades. Lembrade que teñen que ser orixinais así que usade toda a vosa creatividade e imaxinación.

Os traballos serán expostos na web e, ademais, o día do Samaín faremos unha sesión de contacontos dos maiores aos máis pequenos.

Animádevos a participar!