Profe, agora que fago?

Queridas familias!

Aquí vos deixamos o novo libro ilustrado polo ourensán David Lorenzo (ilustrador e profe de dibuxo e pintura), escrito por José Carlos Román (escritor e mestre de Educación Infantil).

A idea xurdíu como unha axuda ás familias para dar resposta á pregunta que se fan moitos cativos e cativas nestes días de confinamento. Atoparedes moitas ideas divertidas e interesantes.

Premede na imaxe para poder ler o libro.

                                      

Agardamos que vos guste.

DÍA INTERNACIONAL DA DANZA!

En 1982, por iniciativa do Comité Internacional de Danza, foi proclamado pola UNESCO o 29 de abril como Día Internacional da Danza. A data escollida corresponde á data de nacemento do bailarín e coreógrafo Jean-Georges Noverre, creador do ballet moderno.

O obxectivo deste día é reunir a todas as persoas que escolleron esta forma de expresión para superar todo tipo de barreiras e celebrar a danza e a súa diversidade.

No Ruxi Reto desta semana plantexamos música tradicional coas vosas diversas formas de expresión a través do baile. Mirade as propostas de Leo, Isabel Lucía e Ruth e Ismael!

Recomendámosvos estes contos relacionados co bailes e a danza

Moitas destas músicas podédelas escoitar en desfrutar na rede!

A bailar!

FELIZ DÍA DO LIBRO!

Hoxe celebramos o Día Internacional do libro.

Agradecemos a todos os escritores e escritoras polas historias fermosas que teñen compartido con nós nestes días de confinamento. 

Como sabedes, Sabela Gago ía visitar o noso cole para contar un deses contos que nos deixan abraiados. Como quería estar con nós, envíanos este contiño para que se nos faga o confinamento máis agradable. 

Moitas grazas, Sabela!

Nós tamén quixemos facer un pequeno homenaxe a todos os autores autoras con estas recomendacións das lecturas preferidas. Grazas a todos e todas as participantes no Ruxi Reto 5.

Desexamos que sexa do voso agrado!

 Premede na imaxe para acceder ás recomendacións! 

BOAS LECTURAS!

APRENDE COAS MULLERES GALEGAS

                               

Se queredes coñecer mulleres bravas da nosa historia, visitade o apartadiño de Donas de si na web.

Premede na imaxe para coñecer e aprender máis sobre estas mulleres.

Deixamos, tamén, unhas recomendacións de libros sobre mulleres pioneiras, mulleres bravas que marcaron un antes e despois na nosa historia.

Lembrade que nas bibliotecas de Galicia tedes a opción de emprestar os libros dixitais.

RUXI RETO 5: SOMOS "BOOKTUBERS"!

RUXI RETO 5: SOMOS BOOKTUBERS!

Con motivo do Día Internacional do Libro, o vindeiro 23 de abril, propoñemos o seguinte reto:

Esta vez trátase de gravar un pequeno vídeo, duns 20 segundos 
aproximadamente, recomendando un libro que vos gustou moito, o voso

libro favorito, lendo un texto dese libro que vos encanta ou representando

un cachiño dunha historia ou conto.

Podedes seguir este guión ou crear o voso propio:

- Saúdo.

- Presentámonos.

- Recomendación/lectura dun anaco do libro/representación.

- Non te esquezas de dicir o título e o autor ou autora do libro.

- Na recomendación non podedes desvelar o final!

Podedes crear un decorado especial para a ocasión ou simplemente utilizar a librería onde teñades os vosos libros. Podedes saír sós ou facelo en familia. Hai un sinfín de posibilidades!

Creatividade e imaxinación ao poder!

Deixamos unha mostra de “booktuber”que o alumnado de 6ºA fixo cando estaba en 4º.

AS FADAS VERDES

Ademais deixamos este vídeo dee Isabel Lucía coa representación dunha parte do conto "Os tres porquiños", momento no que o lobo soprou e soprou e... que pasou?

Unha vez teñades todo feito podedes envíalo a este correo do cole:

ceiporuxidoiro@gmail.com

Indica o teu nome e apelidos e o curso, título e autor/a do libro que recomendades  e autorización das vosas familias para publicalo.

Recibimos as vosas colaboracións ata o 22 de abril, así poderémolo

publicar o 23 de abril.

 CÁMARA E... ACCIÓN!

FELIZ DÍA MUNDIAL DA ARTE!

Desde o CEIP O Ruxidoiro facemos a nosa pequena homenaxe a todos os artistas. Premede na imaxe para ver a nosa GALERÍA DE ARTE.

Parabéns a todos os artistas e as artistas e a todas as persoas que se divirten facendo ARTE.

Grazas a todos os nenos e nenas, familias e docentes que participaron neste reto.

Premede en cada obra de arte para poder mirala con máis atención!

#diamundialdaarte

#ruxidoiroartista

#grazasartistas