APADRIÑAMENTOS LECTORES
A lectura pode axudarnos a potenciar a imaxinación, a empatía, a creatividade e a linguaxe, esencial nas primeras etapas do desenvolvemento.
Dende a biblioteca do noso cole, propomos as seguintes actividades para celebrar este día:
- Lectura en familia: cando lemos con eles compartimos tempo de calidade que axuda a reforzar o noso vínculo.
- Recomendación do noso libro favorito.
- Visitar a biblioteca do cole ou da túa zona.
- Compartir libros coas túas amizades.
- Contar un conto aos teus maiores: papá, mamá, avó, avoa...
Pensades nalgunha outra actividade para celebrar este día?
Sabíades que o 2 de abril tamén se celebra o Día do Mundial de Concienciación do Autismo?
O trastorno do espectro do autismo (TEA) é unha condición que afecta á forma de pensar e comportarse, á comunicación e á interacción cos demais.
As nosas recomendacións lectoras van encamiñadas á concienciación e coñecemento destes trastorno.
O 22 de marzo visitou o noso centro unha cadeliña de Intervención asistida acompañada de Nuria.
Visitaron as aulas de Educación Infantil e, ademais, contaron un conto ao alumnado de 2º de Educación Primaria.
"Por catro esquiniñas de nada", Jérome Ruillier. Un conto de apariencia moi simple pero que agocha unha gran lección. Un conto sobre a amizade, a diferenza e a inclusión.
Velaí tedes un vídeo dos mellores momentos desta visita. Premede na imaxe:
Ao longo do mes de marzo e co gallo de conmemorar a
Rosalía de Castro e o mes de muller, fixemos obradoiros de chapas con diferentes grupos do centro.
Desde a biblioteca queremos agradecer a Juanlu Nacha, ilustrador galego, por emprestarnos a súa ilustración de Rosalía de Castro.
Velaí tedes o resultado. Premede na imaxe para ver un pequeno vídeo resumo da actividade.O pasado 15 de marzo visitou a nosa biblioteca o autor do conto de Súperavoa, David Rodríguez.
O alumnado de 1º e 2º compartiu os súperpoderes que teñen as nosas avoas: dar mimos, curar as feridas, cociñar receitas soborosas, contar historias fermosas, facernos rir, sandar as penas...
Que faríamos nós sen as nosas avoas?
Unha vez que rematamos de ler e debatir sobre a última lectura traballada co Grupo 1 do Club de Lectura, "Detectives en chanclas" de Palomoa Muiña, Alba, Álvaro, Laura Araújo, Iker e Laura Atanes quixeron ir á Ruxi Radio a falarnos desta lectura.
Son uns profesionais!!!