O pasado venres tivemos unha nova xuntanza coa rapazada que participa no Club de Lectura, nesta ocasión co Grupo 1.
A novela de Charlie Feedwood, "Altas aspiraciones" está gustando bastante, ten os ingredientes necesarios que fan entretida a lectura e que anima a ler un capítulo máis.
Unha nova xuntanza do Club de Lectura tivo lugar na nosa biblioteca, nesta ocasión foi coa rapazada do Grupo 2.
Estamos a ler "¿Quién quiere ser el novio de mi hermana? de Maite Carranza. Está resultando ser unha lectura divertida, amena e que engancha, non podes deixar de ler!
.png)
No Ruxidoiro, os equipos de biblioteca e convivencia unímonos na loita contra a violencia machista.
Loitamos a través de cada palabra que dicimos, de cada libro que lemos. de cada historia que compartimos e das veces que escollemos o respecto fronte a discriminación.
Este ano, o noso lema #DALLEAVOLTA é unha chamada á acción no cole, na casa, en todos os espazos e actividades que compartimos: nas tarefas do fogar, no deporte, nas aulas, nas cancións e nos contos.
Queremos darlle a volta...
AOS ESTEREOTIPOS
ÁS PALABRAS QUE FEREN
ÁS BURLAS
AOS SILENCIOS INXUSTOS
AO MEDO
Desde a biblioteca queremos que os libros se convirtan en espellos e tamén en ventás: en espellos para recoñecernos e en ventás para abrirnos a outras realidades.
Por iso na zona de novidades e exposicións atoparedes unha selección de lecturas que nos axudan a comprender, reflexionar e actuar para transformar o mundo que nos rodea: contos, cómics, novelas, que falan de respecto, de igualdade e de empatía.
Convidámosvos a pasar pola biblioteca e descubrir estas historiase a facer a vosa contribución no mural #DALLEAVOLTA, onde cada xesto conta, cada palabra importa e ti tamén podes darlle a volta á violencia coas túas aportacións.
Porque o cambio comeza en nós,
Le, pensa e actúa!
#DÁLLEAVOLTA
O pasado venres tivemos unha xuntanza do Ruxi Club co Grupo 1. A rapazada está a ler o libro de Charlie Feedwood, "Altas Aspiraciones".
Polo comentado na reunión, esta lectura está a gustar bastante e xa ten a moitos dos membros do club enganchados e á espera do que ocurrirá nas seguintes páxinas.
O pasado martes 4 de novembro comezamos, un curso máis, co Club de Lectura para Adultos.
Falamos de gustos literarios, de lecturas que nos gustaron, de recomendacións lectoras, tomamos algúns petiscos...
