Imos de entroido!

O alumnado de 2º de Primaria converteuse en auténticos investigadores e investigadoras para descubrir máis sobre unha das tradicións máis importantes da nosa terra: as máscaras de Entroido da provincia de Ourense.

Dentro do programa LeoLab, realizamos un traballo de investigación na biblioteca escolar, buscando información, consultando libros e descubrindo curiosidades sobre os distintos personaxes e máscaras que forman parte desta tradición tan especial. Grazas a este traballo aprendemos moitas cousas sobre a súa historia, as súas características e a importancia cultural que teñen no noso patrimonio. 

Ademais, tivemos a oportunidade de compartir as nosas aprendizaxes nunha actividade moi especial que foi gravada na radio escolar. Alí explicamos os descubrimentos realizados, contamos datos interesantes e puxemos voz ao noso traballo de investigación.

Foi unha experiencia moi enriquecedora que nos permitiu aprender investigando, traballar en equipo e valorar as tradicións da nosa contorna. Seguimos descubrindo, lendo e aprendendo na nosa biblioteca escolar!