Este venres tivemos de novo unha xuntaza para falar de libros e de lecturas. Neste caso o Grupo 2 que está a ler o libro de Ledicia Costas "Escarlatina, a cociñeira defunta".
A lectura está a gustar e as personaxes son divertidas. Para a próxima xuntanza traeremos o libro rematado e haberá sorpresas...
O 30 de xaneiro celebramos o DÍA DA ILUSTRACIÓN, data impulsada pola Consellería de Cultura, Educación e Universidade en colaboración coa Asociación Galega de Profesionais da Ilustración.
O alumnado de 4º e 5º tivo a oportunidade de coñecer ao ilustrador e autor de GAZAFELLOS, FON.
Fonso Barreiros é un lustrador nado en Noia en 1980. Matriculouse en 2001 na escola de cómic O Garaxe Hermético, onde consegue o premio de fin de curso pola súa obra "Curuxa, a voz de Azazel"
Outros títulos que vos recomendamos, algúns deles xa os podedes coller na biblioteca!
Ademais tamén realiza varios traballos como ilustrador: publica na revista A viñeta de Schrödinger, dá clases de cómic e é o director de V de viñetas, as xornadas de cómic do Liceo de Noia.
Fonso Barreiro falou dos seus inicios de ilustrador e deunos moitos consellos e algún truquiño para debuxar. A verdade é que pasamos un bo rato tan só cun papel e lapis ademais de deixar a nosa pegada no mundo da ilustración.
Velaí tedes algunhas das nosas creacións.
O pasado venres houbo unha nova xuntanza co Grupo 1 do Ruxi Club. Durante as vacacións de Nadal a rapazada estivo a ler a novela de Charlie Feelwood, "Altas Aspiraciones".
Como ven sendo habitual, falamos sobre a lectura, sobre as personaxes e sobre a trama... Gustou moito aínda que houbo rapazas ás que se lles fixo unha lectura bastante longa.
Logo de comentar e debatir sobre o libro xogamos ao Pasapalabra e a verdade e que o pasamos moi ben...
Tamén tivemos un pequeno debate sobre cal será a proxima lectura...
Ás rapazas coincidiron que lles apetecía ler algo lixeiro logo de "Altas Aspiraciones" así que a seguinte libro é "El misterio de los huevos de oro" de Luísa Villar Liébana.
O pasado venres tivemos unha nova xuntanza do Ruxi Club, neste caso co Grupo 2 que logo das vacacións de Nadal rematamos o libro de Maite Carranza "¿Quién quiere ser el novio de mi hermana?
Estivemos falando e debatindo sobre a lectura e as personaxes, en xeral é un libro que gustou moito xa que é divertido e co que o alumnado se sinte identificado.
Rematado este trimestre, chega un tempo de ilusión, tempo para compartir e tempo para ler e deixar voar a imaxinación.
Deixamos estas recomendacións para este tempiño de lecer. Felices festas!
O pasado 4 de decembro tivemos unha nova reunión coa quenda dúas do Ruxi Club, este grupo de rapazada está a ler o libro de Antía Yáñez, "Plan de recate".
Estivemos a comentar a lectura do libro e houbo opinións moi variadas, dende a quen non lle está enganchando, a quen non lle parece moi entretido ata a quen lle está entusiasmando. Esto é o marabilloso dun Club de Lectura, non sempre nos teñen que gustar as mesmas cousas pero sí que respectamos, comprendemos e aceptamos todas as opinións xa que son todas válidas coma a nosa propia.
O pasado venres 13 de decembro tivemos a derradeira reunión coas alumnas que forman parte do Grupo 1 do Ruxi Club.
Este grupo estaba a ler o libro de Maite Carranza "¿Quieres ser el novio de mi hermana?". Estivemos comentando sobre a lectura do libro, dos personaxes, das aventuras que lles pasaban aos protagonistas, en xeral é un libro que gustou bastante xa que é divertido, entretido e co que moitas das rapazas do Club de Lectura se sinten identificadas coa protagonista.
