Benvidos de novo á Biblioteca do CEIP "O Ruxidoiro"

Ola amiguiños!!

Tras unhas longas semanas de intenso traballo na biblioteca do noso colexio, por fin xa estamos aquí de novo. Moitos vos preguntaredes que pasou durante estas últimas semanas nas que a biblioteca permaneceu pechada no horario de recreo. Pois ben, misterio resolto: o equipo de biblioteca estivo organizando todo o fondo bibliográfico (esto é, todos e cada un dos libros e demáis materiais dos que dispoñemos na biblioteca) para que o seu uso sexa máis fácil, organizado e dinámico. 

Asemade, tamén estivemos ultimando varias novidades que se porán en marcha durante o presente curso e das que poderedes disfrutar con só acercarvos ata a biblioteca; novidades das que xa vos iremos informando aos poucos.

Para os que xa non aguantedes máis, lembrarvos que podedes facer uso da biblioteca nos recreos desde agora mesmo!!!!!!!!

Só indicarvos que o horario de acceso libre á biblioteca será o seguinte:

1º, 2º e 3º de Educación Primaria: primeiro recreo (de 11:05 a 11:20 horas)

4º, 5º e 6º de Educación Primaria: segundo recreo (de 13:05 a 13:20 horas)

Un RUXI - SAÚDO a todos!!

Praia das Catedrais

Ola amiguiños!!

Estase aproximando a fin de curso e, como ben sabedes, a partires destas datas terán lugar moitas das saídas didácticas programadas para o presente curso. 

Así, en breve, os alumnos de 4º, 5º e 6º de Eduación Primaria realizarán unha visita á mundialmente coñecida Praia das Catedrais para coñecer de primeira man un dos entornos naturais e paisaxísiticos máis importantes da nosa comunidade. Ademáis, terán a posibilidade de visitar a fermosa vila de Ribadeo e os seus arredores en donde participar en diferentes actividades lúdicas e pedagóxicas. 

Para ique poidades coñecer un pouco máis acerca destes enclaves tan fermosos e espectaculares que visitaremos, aquí vos deixamos información acerca dos mesmos. 

Un RUXI - SAÚDO  a todos!!

PULSAR AQUÍ

VIDEO DA PRAIA DAS CATEDRAIS

VIDEO DA VILA DE RIBADEO

Premio Cervantes 2014

Ola amiguiños!!

Como ben sabedes todos, coincidindo co Día do Libro, ten lugar a entrega do que podemos considerar o Nobel da Literatura en Lingua Castelá: o Premio Cervantes. Nesta ocasión, tan prestixioso e recoñecido premio recaeu na figura do novelista español Juan Goytisolo, nado en Barcelona o 5 de xaneiro de 1931.

Para que poidades coñecer algo máis sobre a súa vida e obra aquí vos deixamos unha pequena biografía desta gran figura da literatura española elaborada polo Instituto Cervantes.

PULSAR AQUÍ

Igualmente, aquí vos deixamos o discurso pronunciado por este célebre escritor durante o acto de entrega do Premio Cervantes. Un RUXI - SAÚDO a todos!!

PULSAR AQUÍ

Día do Libro 2015

Ola amiguiños!!

Este ano, unha vez máis, un día tan especial para todos os amantes da lectura como é o Día do Libro tivo un protagonismo especial no noso colexio. Nesta ocasión, para celebrar tan importante data, os nenos e nenas do colexio estiveron traballando desde distintas perspectivas un conto por todos coñecido como é Hansel e Gretel. Así, leváronse a cabo sesións de lectura, elaboracións de relatos, realización de manualidades, exposicións de libros... tomando como centro este famoso conto clásico. 

Aquí vos deixamos algunhas imaxes para lembrar o que fixemos!!

Un RUXI - SAÚDO a todos!!

Aniversario do nacemento de Rosalía de Castro

Ola amiguiños!!

Hoxe é unha data moi especial para a cultura e mailas letras galegas, xa que tal día coma hoxe, fai 178 anos, nacía en Santiago de Compostela a nosa gran poetisa Rosalía de Castro.

Para que poidades coñecer algo máis acerca da súa vida e obra non dubidedes en botarlle un vistazo ao seguinte vídeo. 

 

Vida de Rosalía de Castro

E para que disfrutedes dunha das súas creacións máis fermosas, aquí vos deixamos o coñecidísimo poema "Adiós ríos, adiós fontes" na voz do gran Amancio Prada.

Que o disfrutedes!!

Un RUXI - SAÚDO a todos!!

Preparade as pinturas!!

Ola amiguiños!!

Nesta ocasión estamos aquí para informarvos de que xa está en marcha o noso tradicional concurso de Postais de Nadal, co gaio da celebración destas festas tan sinaladas e para as que xa non queda case nada.

Todos aqueles nenos e nenas que desexedes participar deberedes ter en conta as seguintes normas:

1) O formato no que realizaredes a vosa postal de nadal debe ser  tamaño A5 (medio folio por unha soa cara).

2) No reverso da folla deberá constar o teu nome, apelidos e curso.

3) Os debuxos deben ser orixinais e non poderán levar ningún tipo de material en relevo (purpurinas, recortes, efectos de neve...).

4) As postais entregarédesllas aos vosos titores para a súa posterior exposición.

5) Haberá tres categorías de participación: Educación Infantil, 1º-2º-3º de Educación Primaria e 4º-5º-6º de Educación Primaria.

6) De cada categoría escolleranse 7 postais como primeiras clasificadas que serán enviadas ao concurso de postais que organiza o Concello de Barbadás.

7) O xurado do colexio escollerá a continuación 2 postais gañadoras en cada categoría de entre as 7 postais que se seleccionaron como primeiras clasificadas.

8) Finalmente, de entre as 6 postais gañadoras (2 por categoría), escollerase a postal finalista coa que se realizará a postal de felicitación de Nadal do CEIP "O Ruxidoiro".

Non o dubidedes... collede os vosos lápices de cores e animádevos a participar. 

Un RUXI - SAÚDO a todos!!

Xa chegan as mochilas viaxeiras!!

Ola amiguiños!!

Un ano máis, o Equipo de Biblioteca está a preparar as mochilas viaxeiras para que poidades levar para casa durante o presente curso. Nelas atoparedes unha selección de lecturas dirixidas non só a vós, nenos e nenas do CEIP "O Ruxidoiro", senon tamén ao resto de membros da vosa familia: pais, nais, irmáns, avós...

Agardamos que disfrutedes da selección de títulos que escollemos este ano para que disfrutedes dun tempo de lectura todos xuntos en familia. Un RUXI - SAÚDO a todos!!