lunes, 2 de marzo de 2020

Contamos coas vosas ideas, creacións, aportacións, suxestións.

#anosabibliomola

#poesíarosalía

#crearosalía

#marzoépoesía

VISITA DE SUSA HERRERA!

O martes, 3 de marzo Susa Herrera visita a nosa biblioteca!

Xa estamos cos preparativos para recibir a Susa na nosa biblio.

Fainos especial ilusión porque coñecemos moitas das súas cancións e escoitala en directo será unha auténtica marabilla.

Queredes coñecer máis do traballo de Susa Herrera?

Mirade cantos libros musicais ten publicado, algúns xunto con Mamá Cabra.

Se estes libros queres atopar,

a biblio do Ruxidoiro terás que visitar!

Clicade na canción para escoitar

"Casimiro o elefante"

"O polo Pepe"

"Coñezo un gatiño"

lunes, 17 de febrero de 2020

O alumnado axudante da biblioteca xa ten preparada a CITA A CEGAS CUN LIBRO.

A cegas porque collemos os libros sen saber que hai no seu interior: aventuras, misterio, amor, amizade?

Toda unha sorpresa!

O AMOR está no aire no Ruxidoiro, amor polos libros!

Noraboa aos axudant@s polo traballo!

ESTAMOS DE ESTREA!

Seguimos coas xornadas adicadas á inauguración da nosa biblioteca.

Hoxe tocoulles ao alumnado de infantil, 1º, 2º e 3º de primaria.

Os protagonistas para cortar a cinta foron dúas nenas de 6º de Infantil.

Que ben o fixeron!

Para inaugurar a biblio ao grande visitounos Pablo Nogueira cunha contada dos seus libros "Nube Branca quere ser astronauta" e "A banda de Raimunda". Mirade o decorado que prepararon os voluntarios e voluntarias de 6º. Ademais o alumnado de 6º de Educación infantil prestounos o seu mural dos Planetas.

Maiores e pequechos xuntos,
un gran traballo en equipo!

Os grupos de 1º, 2º e 3º de primaria decoraron estas guitarras para a banda de Raimunda con moito arte, non si?

Unha pequena mostra da contada con Pablo.
Que ben o pasamos!

Para rematar esta xornada de inauguración, quixemos agradecer a visita altruista de Pablo Nogueira cun agasallo: un retrato feito pola mestra Josefa Fernández, titora de 5ºA. Quedamos abraiados!

LEMBRADE!

Nube Branca quere ser astronauta e A banda de Raimunda están esperando por vós nos andeis da biblio.

viernes, 14 de febrero de 2020

INAUGURAMOS A BIBLIOTECA!

E chegou o GRAN DÍA! Todos e todas estabamos moi ilusionados coa apertura da nova biblioteca.

Despois de meses de duro traballo, adicaremos varios días a inaugurar este máxico espazo que será o eixe central de todas as actividades do centro.

Dous alumnos voluntarios de sexto, Adrián e África, cortaron a cinta para a apertura da biblioteca.

Comezamos coa visita de Magín Blanco, o venres 14 de febreiro, para o alumnado de 4º, 5º e 6º, ainda que tamén fixo unha paradiña co alumnado de infantil que quedou abraiado coas súas cancións.

Todo preparado para comezar!

"Todos somos capitáns"

Continuaremos coas xornadas de inauguración o vindeiro luns, 17 de febreiro, coa visita de Pablo Nogueira que nos contará "Nube branca" e "A banda de Raimunda" ao alumnado de infantil, 1º,2º e 3º.

E, o 3 de marzo, contaremos con Susa Herrera para o alumnado de infantil a 4º de primaria.

Se queredes ler e escoitar os libros de Magín,

vinde á nosa biblioteca!