Esta semana, con motivo da celebración do Día da ciencia da muller e da nena que é o 11 de febreiro, tivemos a visita virtual de dúas científicas.
Se queredes ver as fotos das conexións premede nunha das imaxes.
Coñecedes o efecto Matilda?
Se queredes averigualo, estade atentos á web e ao blog da biblioteca o 11 de febreiro!
O luns 9 de febreiro o alumnado de 5º terá a oportunidade de conversar de xeito virtual con Ana Mª González Tizón, que nos achegará a historia de Isabel Zendal, enfermeira galega, e 22 nenos e nenas que participaron na expedición para levar a vacina da varíola a América no século XVIII. Na actualidade, isabel Zendal é recoñecida pola Organización Mundial da Saúde como a 1ª enfermeira da historia en misión humanitaria internacional.
Desde o equipo de biblioteca en colaboración co equipo de dinamización da lingua galega queremos facervos unha porposta: traballar sobre mulleres galegas pioneiras.
Cada clase pode escoller unha muller galega pioneira no seu ámbito ou profesión. Podedes realizar exposicións orais para presentar os vosos traballos e, ademais, na clase de
plástica realizar colaxes, debuxos, caricaturas… para completar o traballo de
aula.
Deixamos unhas recomendacións lectoras.
ANIMÁDEVOS A SER PIONEIR@S!
