RUXI RETO 4: SOMOS ARTISTAS!

                                          SOMOS ARTISTAS!

Con motivo do Día Mundial da Arte, o vindeiro 15 de abril,

propoñemos o seguinte reto.

Apetécevos imitar obras de arte de artistas famosos?

Sacade o voso lado máis artístico e poñédevos mans á obra…

á obra de arte!

Seguindo a idea do Museo Getty, Los Ángeles, que lanzou un reto que

consiste en escoller a túa obra de arte favorita e recreala con cousiñas

que teñas por casa: toallas, sabas, floreiro, roupa vella, cadeira…

 Nestes momentos agradécese non só a creatividade e a imaxinación senón tamén un chisco de humor.

Non é só unha foto, é un OBRA DE ARTE!

Deixamos algunas ligazóns a museos e galerías de arte para que copiedes ideas

^{MUSEO DO PRADO- MADRID                          MUSEO DO LOUVRE-PARÍS}

^{BRITISH MUSEUM- LONDRES     NATIONAL GALLERY OF ART- WASHINGTON}

^{TATE MUSEUM- LONDRES                      VANGOH MUSEUM- AMSTERDAM}

^{MUSEO BELAS ARTES- A CORUÑA                          MUSEOS DE GALICIA}

Tamén vos deixamos algunha obra, escollede a que máis vos guste…

                               

           Sorpresa do trigo                     O Grito                      Conversa na praia           A Gioconda  

               (Maruja Mallo)               (Edvard Munch)                    (Luis Seoane)         (Leonardo da Vinci)
 

Velaí tedes unha primeira contribución!

     Unha vez teñades todo feito podedes envíalo a este correo do cole:

ceiporuxidoiro@gmail.com

A imaxe deberá ir acompañada dos seguintes datos:

Foto do cadro orixinal co título e o autor/a, foto da vosa creación cun título , nome e apelidos.

Lembradse indicar o teu nome e apelidos e o curso e autorización das

vosas familias para publicalo.

DATA DE ENTREGA: ata martes 14 de abril

RUXI RETO 3: RECEITAS LARPEIRAS

 Xa están aquí todas as vosas receitas!

Se queredes velas premede na imaxe.

ATENCIÓN!

Seredes quen de atopar a receita intrusa?
Ruxipista: é unha receita moi útil estes días  pero que non podemos comer.

Que será?

Grazas,unha vez máis, pola vosa colaboración!

LECTURAS NA CASA!

Estimadas familias!

Como cada fin  de trimestre, o Equipo de Biblioteca fai unhas suxestións de lecturas para toda a comunidade educativa.

Nesta ocasión, e debido á extraordinaria situación que estamos a vivir, podedes descargalas  premendo na imaxe do libro ou conto.

Queremos agradecer ás editoriais e autores/autoras por deixarnos decargar estes libros de balde, así como a GaliciaLe desde onde podedes descargar outros títulos en formato dixital.

Agardamos que estas suxestións sexan do voso agrado. 

#lecturasnacasa

#lemosnacasa

O EQUIPO DE BIBLIOTECA DESÉXAVOS

BOAS LECTURAS!

DÍA DO LIBRO INFANTIL E XUVENIL

                                                      

 Dende 1967 o Día Internacional do Libro Infantil e Xuvenil celébrase o 2 de abril, coincidindo co nacemento do escritor danés 

Hans Christian Andersen, autor de contos como ‘La Sirenita’, ‘El patito feo’ ou ‘El soldadito de plomo’. O obxectivo é espertar o interese e o amor polos libros e a lectura para nenos e mozos e convertelo nun hábito da vida.

 Dende a biblioteca do noso cole, propomos as seguintes actividades para celebra este día:

        PACO NOGUEIRAS

 O Xoves 2 de abril ás 17h. tedes unha cita para celebrar o Día do Libro Infantil e Xuvenil con Paco Nogueiras,Diplomado en Graduado Social, músico e actor. Participou en formacións de música tradicional e foi creador da banda sonora de varios espectáculos teatrais, musicais, de danza e dunha serie infantil da TVG.

Cantará cancións nos directos de Instagram e Facebook.

https://www.facebook.com/1027149159/posts/10218373756988406/

Contos clásicos

https://www.muchoscuentos.com/

Algúns vídeocontos:

Rato do monte e rato da casa:

https://www.youtube.com/watch?v=rKbgzqLHpA8

A que sabe a lúa?:

https://www.youtube.com/watch?v=f03MdJvFk8A 

Máis libros para ler:

Preme na imaxe e poderás ler o libro

        

Tamén temos algunhas versións en galego que podedes descargar en
 

                                                     

             Desfrutade da música, do baile e da lectura!!!

CONTADA DE PAULA CARBALLEIRA

Lembrades a visita de Paula Carballeira para presentar o seu libro "Bruxa e familia"?

Agora, volve a visitarnos nas nosas casas con este conto:

"O Moucho aburrido"

Aburridos coma nós de estar na casa. Pero, sabedes que?

Do aburrimento saen grandes ideas, a imaxinación e a creatividade traballan sen parar. Parámonos a observar o pequeno mundo que nos rodea: escoitar, mirar, ulir, sentir...

Que fará neste conto o moucho protagonista?

Abride ben as orellas!

 RUXI RETO 3: RECEITAS LARPEIRAS

Apetécevos compartir unas saborosas receitas de cociña? 

Collede un gorro e un mandil e ….

MANS Á MASA!

 O seguinte reto consiste en gravar audios ou vídeos en lingua galega  nos que nos contedes como se fai unha receita sinxela para que todos e todas podamos facela na casa.

 O obxectivo é practicar a lingua galega ao mesmo tempo que aprendemos a facer receitas exquisitas para pasar o tempo dunha maneira máis doce!

Debedes practicar un poquiño antes de gravar os audios/vídeos. O vídeo/audio deberá durar máximo 20 segundos.

 Podedes facer de dúas maneiras:

1-   Escribir a receita, acompañándoa de debuxos ou fotos e gravando un audio seguindo os pasos indicados.

2-    Gravar un vídeo seguindo os pasos.

 Unha vez teñades todo feito podedes envíalo a este correo do cole:

ceiporuxidoiro@gmail.com

Indica o teu nome e apelidos e o curso e autorización das vosas familias para publicalo.

DATA DE ENTREGA(aproximada): luns 6 de abril

Podedes descargar o ficheiro adxunto para poder escribir a receita ou premede AQUÍ.

Estimadas familias,

Achegamos o resultado do segundo Ruxi Reto. Moitas grazas ás familias. 

 Enviamos tamén unha noraboa a todos os nenos e nenas que participaron neste vídeo. Fixestes un GRAN traballo!!!

Sara Demelos enviou un audio cunha mensaxe para os seus compis.

Álvaro de 6º de Infantil tamén nos deixou este vídeo tan chulo.

Seguide atent@s á web  e ao blog da biblioteca para máis retos e novidades.

Moito ánimo a todos os nenos e nenas!