miércoles, 18 de noviembre de 2020

25 DE NOVEMBRO: MULLERES GALEGAS PIONEIRAS

 

Desde o equipo de biblioteca en colaboración co equipo de dinamización da lingua galega queremos facervos unha porposta: traballar sobre mulleres galegas pioneiras. 

Cada clase pode escoller unha muller galega pioneira no seu ámbito ou profesión. Podedes realizar exposicións orais para presentar os vosos traballos e, ademais, na clase de plástica realizar colaxes, debuxos, caricaturas… para completar o traballo de aula. 

Deixamos unhas recomendacións lectoras.

ANIMÁDEVOS A SER PIONEIR@S!

viernes, 6 de noviembre de 2020

Obradoiro de ilustración con Anxo Fariña

 

O alumnado de quinto e sexto participou nun Obradoiro de ilustración con AnxoFariña. A través da actividade “A cidade violeta”, ilustrando pola igualdade, o alumnado aprendeu o traballo dos ilustradores dos contos e libros que len, ademáis de potenciar a súa creatividade e imaxinación.




martes, 3 de noviembre de 2020

Concurso de relatos terroríficos de Samaín

  O equipo de biblioteca e de dinamización da lingua galega agradece ao alumnado a súa participación no concurso de relatos terroríficos de Samaín.

Premede na imaxe para ver os premiad@s!


viernes, 23 de octubre de 2020

DÍA DAS BIBLIOTECAS

 Para celebrar o DÍA DAS BIBLIOTECAS, non hai mellor opción que viaxar para coñecelas. Viaxades con nós?


domingo, 18 de octubre de 2020

“O esforzo cotián das mulleres”

 

DÍAS DAS ESCRITORAS
 

O luns 19 de outubro celébrase a V Edición do Día das Escritoras baixo o lema "O esforzo cotián das mulleres".

Día das Escritoras é unha iniciativa promovida pola Biblioteca Nacional de España  en colaboración coa  Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.

Dende a biblioteca do noso cole, CEIP Plurilingüe “O Ruxidoiro”, compartimos unha recompilación de fragmentos de escritoras galegas, para unirnos a dita celebración.

Premede na imaxe para poder acceder aos fragmentos de escritoras galegas.



jueves, 18 de junio de 2020

Lecturas para o verán!

O Equipo de Biblioteca déixavos unhas recomendacións de lecturas para este verán. Premede na porta da nosa biblioteca se queres descubrilas...

  
BOAS LECTURAS E BO VERÁN!

miércoles, 17 de junio de 2020

UNHA DE PIRATAS!

Benqueridos nenos e nenas!


A nosa amiga Sabela Gago nos envía unha contada sobre piratas.
Non vos asustedes porque estes piratas non dá ningún medo aínda que son un pouquiño peculiares. Querédelos coñecer? 
Pois abride ben os ollos e as orellas e imos de aventura pirata!
Premede na imaxe para ver o vídeo.

 

viernes, 29 de mayo de 2020

RUXI RETO 9: RUXI OLIMPÍADAS



Este curso todas as aulas estivemos traballando 
sobre os Xogos Olímpicos como Proxecto Documental Integrado da Biblioteca.
Moitas das actividades que tiñamos previstas quedaron sen rematar polo confinamento pero non queremos que remate o curso sen dedicarle un oco a este proxecto.
Esta semana propoñemos as RUXI OLIMPÍADAS do confinamento
Seguro que pensades que como suspenderon os Xogos Olímpicos de Tokio, nós tampouco podemos celebralos. Pois si que as imos a celebrar, só que dunha maneira diferente e moito máis divertida. Igual non gañamos medallas pero polo menos botamos unas risas e pasamos un bo rato. Comezamos?
A nosa proposta é que nos enviedes un vídeo de 20 segundos máximo na que nos ensinedes como practicades en casa un deporte  olímpico. Podedes escoller o que máis vos guste e adaptalo ao espazo e materiais que teñades en casa. Non se trata de copiar o deporte porque, como é lóxico, moitos precisan dun espazo e material específico. Do que se trata é de “adaptar” eses deporte ás novas circunstancias.
Fútbol cunha pelota de papel no corredor, se tedes irmáns/irmás podedes facer natación sincronizada sen auga, salto de altura con rolos de papel hixiénico, hockey con vasoiras, surf en monopatín (disto algo saben os de sexto) … a imaxinación é infinita e sabemos que a ser creativos non nos gaña ninguén, non si?
Se queredes ver cales son os deportes olímpicos consultade AQUÍ
Mirade o que nos enviou Amelia de 5ºA. Premede na imaxe.
                             

Unha vez teñades o vídeo feito podedes envíalo a este correo do cole:
Indica o teu nome e apelidos e o curso, e autorización das vosas familias para publicalo.

DATA DE ENTREGA: 1 de xuño

lunes, 25 de mayo de 2020

HOMENAXE Á NOSA LINGUA

Este é o noso homenaxe á nosa lingua. Como dicía Celso Emilio Ferreiro no seu poema "Deitado frento ao mar",
"eu fáloa porque si, porque me gosta,
porque me peta e quero e dame a gaña,
porque me sai de dentro, alá do fondo..."

Aquí tedes o resultado do voso traballo das Letras Galegas!
Se queredes ver todas as vosas creacións, premede na imaxe.
 Mirade que creacións máis bonitas presentaron Alba, Daniela, Ismael e Ruth

domingo, 17 de mayo de 2020

FELIZ DÍAS DAS LETRAS GALEGAS


Hoxe celebramos o Día das Letras Galegas recordando a Ricardo Carvalho Calero, autor homenaxeado deste ano.

Ricardo Carvalho Calero é unha figura indispensable para coñecer a historia da lingua e da literatura de noso ao longo do século XX. Notable poeta, dramaturgo, narrador e ensaísta, publicou ademais manuais que aínda hoxe son unha referencia para os estudosos. Participou dende novo nos movementos políticos e culturais impulsados polo galeguismo, foi o primeiro catedrático universitario de Lingüística e Literatura Galega da historia e, xa na madurez, defendeu o achegamento do noso idioma ao portugués. Algunhas das súas obras:                 
                                                          
                         Sobre Ricardo:                         
Para o público infantil:

As pitas baixo a choiva
Deixamos unhas actividades interactivas para saber máis sobre este autor galego e a súa obra. 
Mirade que traballiño sobre as Letras Galegas fixo o alumnado de 
5º de educación infantil.

viernes, 15 de mayo de 2020

RUXI RETO 8: RUXILINGUA

RUXI RETO 8: RUXILINGUA!
Como sabedes, o 17 de maio celebramos o Día das Letras Galegas
Nós queremos facer a nosa pequena homenaxe á … LINGUA GALEGA!
Como podemos facer esa homenaxe?
Creando lemas defendendo e animando a usar a nosa lingua.
Podedes facer de moitas maneiras:
- Crear un póster co lema inventado.
- Contarnos o voso lema nun vídeo de máximo 20 segundos.
- Escribir o lema con letras bonitas.
- Ou outras maneiras que se vos ocorran. Sabemos que sodes moi creativos e tedes moitas boas ideas, non si?

O ano pasado participamos no Correlingua e creamos un mural co lema “O galego é a fórmula”, quedou tan bonito que gañamos o concurso. Claro que os nenos e nenas de 5º(agora en 6º) traballaran mooooito!

Esperamos as vosas creacións!
Unha vez teñades todo feito podedes envíalo a este correo do cole:
Indica o teu nome e apelidos e o curso, e autorización das vosas familias para publicalo.

DATA DE ENTREGA: 22 de maio

jueves, 14 de mayo de 2020

Sabela e Naturizo

Naturizo

Sabela Gago cóntanos un contiño da man de Naturizo, personaxe creado por Alba de Evan e Javier Domínguez.


Sabela trae esta proposta de actividades para despois do conto. Atrevédevos a facelas?

Naturizo é un ourizo cacho que vive na Serra de San Mamede, en Ourense. Mirade que de contiños tan bonitiños ten!

         

e moitos máis!
Se queredes saber máis sobre Naturizo e os seus amiguiños: Amelia, Sil, Lúa e Marmelo, podedes ir á súa páxina: https://naturizo.es/

BOAS LECTURAS NA NATUREZA!

domingo, 10 de mayo de 2020

RUXI RETO 7: AÍ VÉN O MAIO!


Xa temos o vídeo cos vosos Maios e coplas en confinamento!
Moitas grazas a todos e todas pola vosa participación.
Premede na imaxe para ver o resultado.

miércoles, 6 de mayo de 2020

Unha contada con Sabela Gago

Ola amiguiños e amiguiñas!
Sabela Gago envianos esta contada para que pasemos un ratiño moi agradable.
O conto que nos vai contar é de Xoán Babarro, "Dez eran dez"

Preparad@s para contar? 1, 2, 3....XA!
Gustouvos? Mirade que actividade máis chula nos recomenda


Atrevédesvos a crear as vosas marionetas de dedos?




domingo, 3 de mayo de 2020

Aí vén o Maio!


RUXI RETO 7: AÍ VÉN O MAIO!
Como sabedes, celebramos este fin de semana a
Festa dos Maios
  É unha festa celebrada no denominado “ciclo de maio”, tempo comprendido entre mediados de abril e principios de maio. Nela celébrase o renacer do ciclo do mundo vexetal, a fin do inverno e o comezo do verán, o bo tempo e a aparición dos primeiros froitos.
Nos Maios, elabóranse distintas estruturas con elementos naturais: flores, follas, herbas…
Como non puidemos celebralo na rúa, imos propoñer un reto para facer o maio na casa e lévalo ás rúas a través da web do centro.
Queredes participar? Que tedes que facer?
Elabora un maio con material de refugallo, con cousiñas que teñas por casa ou, se tes a posibilidade, un maio tradicional con flores e follas.
Deixamos tres vídeos para que collades ideas e podades facer o voso.
CANTIGAS:
As celebracións dos maios ían case sempre acompañadas de cantigas que facían referencia á chegada do mes de maio, o bo tempo, os froitos e flores. Había outro tipo de coplas máis críticas e agresivas, cun punto burlón e irónico, que denunciaban os feitos máis notorios ocorridos ao longo do ano, e algunhas veces facían alusión a persoas que ocupaban cargos importantes. 
Para facer unha cantiga dos Maios, podedes ver este vídeo feito por unha antiga do cole.
Mirade un cachiño da copla que nos enviou Abigail de 6ºB
Chega un novo ano
E un novo maio
Todos xuntiños vÁmolo facer
Hai que celebralo

Hai que celebralo
Todos xuntiños tÉmolo que celebrar
Coas nosas familias
Cos nosos amigos

Cos nosos amigos
Todos xuntiños
Pero en galego ten que ser
Todo en galego

Todo en galego
Ou perdemos a lingua
Todo en galego é todo mellor
Todo en galego hai que recitalo

Todo en galego hai que recitalo
Se non ao ceo non chegaremos
Quedarémonos abaixo no inferno infernal
Non chegaremos e ao inferno iremos

Non chegaremos e ao inferno iremos
A facerlle compañía a Trump iremos
Non queremos iso
Non queremos iso

Non queremos iso
Igual que se queres un mundo limpo
Ben nos comportaremos
Non contaminaremos eso salvaremolo

Non contaminaremos eso salvaremolo
Igual que salvaremos a fauna e a flora
Aos terreos e mares
Esto pararémolo

Podedes enviar tamén as vosas coplas, cantadas ou en papel, seguro que vos van saír moi ben!
Esperamos as vosas creacións!Risa

Unha vez teñades todo feito podedes envíalo a este correo do cole:
Non vos esquezades de indicar o teu nome e apelidos e o curso xunto co
título do voso maio ou copla.
DATA DE ENTREGA: 10 de maio

MIÑA NAI, MIÑA NAICIÑA


Hoxe, domingo 3 de maio, é o Día da nai. Queremos render homenaxe a todas as nais, avoas e bisavoas. Neste tempo de confinamento acordámonos de todas vos porque sodes un piar fundamental nas nosas vidas. 

Deixamos este poema de Rosalía de Castro adicado a todas as nais.
Coñecedes outros poemas adicados ás nais?






.
Verémonos pronto!

viernes, 1 de mayo de 2020

GALICIA CÓMICS!

Queridos lectores e lectoras!
Aquí vos deixamos unha ligazón para que podades acceder a un mundo de cómics.
Premede na imaxe.