A RAPAZADA DO RUXIDOIRO DI BASTA!

 

A bilioteca do Ruxidoiro e o equipo de dinamización da lingua galega recomenda estes contiños sobre a violencia de xénero en galego. 

Unha pequena mostra das reflexións deste día nas aulas.

ÁS DE MOSCA PARA ANXO

 O pasado venres tivemos unha nova reunión no Ruxi Club. Nesta ocasión debíamos ler ata o capítulo 17. Todos os participantes leron ata onde acordamos e houbo quen incluso adiantou a lectura.

Os comentarios sobre o que levamos lido foron moi positivos. Os rapaces e rapazas falaron do que máis lles gustou e tamén comentaron comportamentos que non lles gustaron nada, que non se deben consentir, como cando os compañeiros e compañeiras fan burla da protagonista da historia.

Acordamos acabar a novela para a próxima reunión, que será en 15 días.

DÍA DOS DEREITOS DA INFANCIA

 A Convención sobre os Dereitos do Neno, aprobada o 20 de novembro de 1989 tras máis dunha década de traballo no texto, establece catro principios que deixan claro que nenas e nenos, aínda que sexan seres en desenvolvemento:

- Non discriminación.

- Interese superior do neno e da nena. 

- Dereito á vida, á supervivencia e ao desenvolvemento.

- Dereito á participación.

Imaxinades un mundo no que non teñades nome? Un mundo no que vos falte un lugar para vivir? Un mundo sen xogos? ou un mundo no que non se trata con agarimo e respecto aos nenos e nenas? 

Custa imaxinalo, non si? Pois aínda hai países nos que hai nenos e nenas que sofren moito: teñen que traballar para manter ás súas familias desde ben pequenos, non poden ir á escola nin teñen xoguetes, non teñen familia ou nin siquera teñen unha casa onde vivir. 

Na biblioteca podedes atopar moitas lecturas interesantes sobre os vosos dereitos e historias que nos contan como son as vidas de nenos e nenas noutros países. 

Aí vos deixamos algunhas recomendacións!

       

Para practicar e coñecer máis sobre os vosos dereitos aí vos deixamos un trivial para xogar.

PRIMEIRA REUNIÓN CO ALUMNADO DO GRUPO 2

 

O pasado venres 4 de novembro tivemos unha nova reunión do Ruxi Club, nesta ocasión foi co alumnado de 6º de primaria participante no club de lectura e que pertence á segunda quenda, ó grupo 2.

A reunión foi moi amena e produtiva e a coordinadora do club propúxolles varias alternativas de lectura.

Os rapaces/as despois de valorar, debatir, ler os argumentos dos libros propostos e chegar a realizar unha votación... decidiron por maioría que a próxima lectura que se lerá no Ruxi Club, grupo 2, será "Ás de mosca para Anxo" da autora Fina Casalderrey.

Agardamos que vos guste!

Actúa e non contamines

 

O alumnado de 4ºA anima a todos e todas a coidar do noso planeta con este poema que gravaron na radio.

                                  

Mes da ciencia en galego nas bibliotecas

                    

Seguindo co noso proxecto Ruxiverdece, na biblioteca do Ruxidoiro celebramos este mes da ciencia en galego realizando experimentos para  conCIENCIAr ao noso alumnado da importancia do coidado do noso planeta. 

 

Ángel Carracedo, profesor de Medicina Legal, Ética Médica e Bioloxía Molecular da Universidade de Santiago de Compostela asina o manifesto do mes da ciencia en galego. 

Premede para ler o MANIFESTO.

Na biblioteca podedes investigar, aprender, descubrir ... 

Aí vos deixamos a ligazón das bibliotecas escolares cunha chea de libros de ciencia en galego.

Premede AQUÍ

Durante o mes de novembro a biblioteca estará chea de experimentos. Queredes ver algún?

Todo listo para experimentar conCIENCIA!

            

Samaín na biblioteca

  Velaí tedes o noso Samaín: contacontos de medo, relatos terroríficos, feitizos e conxuros ...

O alumnado de 4ºA crearon uns conxuros de meeeeedo que gravaron NA RADIO.

Aí deixamos a morea de actividades que fixemos resumidas nun vídeo terrorífico.

E polo Samaín contiños de medoooo NA RADIO! 

"Una pantasma con asma"- 4ºB