DÍA DO LIBRO

 APADRIÑAMENTOS LECTORES

Una ano máis, o alumnado de infantil, 1º e 2º de primaria

terá unha sesión de contacontos a cargo dos maiores do cole.

Podemos contar os contos de mil maneiras: recitando, lendo, versionando, contos musicados, interpretando... 

O 23 de abril descubriremos máis!

Recomendacións lectoras

Xa estamos a piques de comezar un descansiño para coller folgos para rematar o curso. E non hai nada mellor que acompañar esas horas de lecer cunha boa lectura. 

Deixamos unhas recomendacións lectoras para todos os gustos e idades. 

                               Felices vacacións e boas lecturas!

Novas lecturas do Club de adultos con María Besteiros

 Na última xuntanza do Club de Lectura de Adultos escollemos a novela "Ítaca" de María Besteiros como próxima lectura para o club. Agardamos gozar con esta primeira novela da autora e finalita dos Premios Xerais de Novela.

Club de lectura de adultos con Arantza Portabales

 Esta semana houbo unha nova xuntanza do Club de Lectura de Adultos. A novela que escolléramos previamente fora "Asasinato na casa rosa" de Arantza Portabales e sobre esta lectura foi a reunión. 

Houbo disparidade de opinións, uns consideran o libro de Portabales moi bo, fácil de ler, interesante e entretido, mentras que outras opinamos que tratándose desta autora, "Asasinato na casa rosa" non é a súa mellor obra aínda que Aranzta nunca defrauda.

Definitivamente, é un libro que hai que ler para que cada quen saque as súas propias conclusións. Xa estamos a agardar pola súa próxima novela porque Aranzta Portabales sempre nos deixa con ganas de máis.

Como están preto as vacacións de Semana Santa, dende o Club de Lectura agasallouse cun pequeno detalle doce aos participantes do club.

"Escarlatina" visita a Ruxi Radio

 Hoxe as rapazas do Grupo 1 do Club de Lectura viñeron á radio a falarnos do último libro que leron no club, "Escarlatina, a cociñeira defunta".

Keila presentou as súas compañeiras Valentina, Iris, Aroa e Ruth que nos falaron deste libro de Ledicia Costas.

Escoitade as súas recomendacións...

En abril, libros mil!

Xa estamos de volta co noso mes favorito do ano: 

                                    o MES DO LIBRO!

                                   
Para comezar a celebración do MES DO LIBRO, os equipos de Dinamización da Lingua e Biblioteca convocan un concurso de Micro- Relatos de temática libre aberto a toda a comunidade educativa. Non vos esquezades de escribilo en galego!

Velaí tedes as bases e as modalidades de participación. 

O aire ocupa espazo?

Os axudantes de biblioteca levaron o Club de Ciencia ao alumnado de 6º de Educación Infantil.

O aire é necesario para a vida mais é invisible aos nosos ollos. Por iso, se pensa que non ocupa espazo. Así que, os nosos científicos da biblioteca vannos amosar como se comporta o aire con diferentes experimentos. 

Queredes ver como o fixeron?

As axudantes científicas: 

Gabriela, Coral e Iris

                             Martín, Noa Junco e Valentina

Ademais prepararon uns colgantes personalizados  deseñados por eles.

A presentación que prepararon Valentina e Noa Junco sobre o experimento:

 

 

Teño un volcán!

 O alumnado de 4º de Educación Infantil está a traballar nas aulas o conto "Teño un volcán" de Miriam Tirado, un conto para explicar que pasa cando nos enfadamos e que podemos facer para calmar ese volcán que temos dentro.

Así que  as axudantes da biblioteca participan no Club de Ciencia cun experimento que lles encanta aos máis pequenos e que ten moito que ver co conto. 

COMO FUNCIONA UN VOLCÁN? 

Así poderán ver ese volcán interior que temos cando nos enfadamos.

As axudantes fabricaron un volcán para cada grupiño con material de refugallo e plastilina.

As axudantes: Sabela, Keila, Lola, María, Noa Aroca e Ruth.

Despois de tanto traballo, o resultado foi un éxito!

Ademais, deseñaron uns marcapáxinas-diplomas para os nenos e as nenas participantes.

Axudantes científicos

 Continuamos co Club de Ciencia coa inestimable axuda dos axudantes da biblioteca que prepararon un experimento moi colorido para os grupos de 5º de Infantil.

Axudantes científicos por un día mais despois desta experiencia tan enriquecedora seguro que participarán de novo con outros grupos.

                              Nahia, Noa Vila, Carla e Gael

                       

                                Mara, Aroa, Inés e Catalina
O experimento que presentaron foi CORRENTES DE CORES.

Falaron de mesturas, de densidades e  de como se disolve o colorante dos caramelos na auga.  Esperando un pouquiño tamén puidemos ver como se despegaban as letras do caramelo.

Os nenos e nenas de 4º de Educación infantil estiveron encantados de axudar co experimento.

Ademais, fixéronlle entrega dunhas bolsiñas con adhesivos, selos e marcapáxinas que deseñaron os propios axudantes con moito agarimo.

Contacontos con David Rodríguez

 O alumnado de 1º e 2º de E.P. recibiu con moito agarimo ao escritor e deseñador gráfico, David Rodríguez, autor de SUPERAVOA, entre outros.

Viaxaron  no Tren fantasma de María Oruña e viviron as aventuras do seu protagonista, Alan, viaxando pola historia: pantasmas, montañas máxicas, tormentas terribles, amazonas con espadas...  Pasou en realidade ou sería un soño emocionante?

Ao rematar este conto tan fantástico, cantaron dúas cancións co autor á guitarra. unha sesión moi divertida!

Grazas pola visita!

Obradoiro de cociña con Escarlatina

 Un venres máis houbo xuntanza do Club de Lectura, nesta ocasión co Grupo 1.

As alumnas remataron o libro que estabamos a ler, "Escarlatina, a cociñeira defunta" da autora Ledicia Costas. Estivemos a comentar a lectura, as personaxes, a trama, as receitas... e ao rematar fixemos un taller de cociña intentando imitar aos protagonistas da novela.

Pasámolo moi ben, foi moi divertido.

Entre degustación e degustación as rapazas escolleron a próxima lectura,

 "Unha veciña de película" de Iria Misa.

Altas aspiraciones

 Esta semana tivemos unha nova xuntanza co Club de Lectura. O Grupo 2 está a ler o libro de Charlie Feelwood, "Altas Aspiraciones", como se trata dunha novela extensa, a rapazada decidiu dosificar a lectura e ir marcando ata qué capítulo lemos para cada xuntanza. Para a reunión de hoxe tiñamos que traer lido ata o capítulo 4.

Ata o momento é unha lectura que está a gustar xa que se plantexan moitas curiosidades, misterios e interrogantes... Por que botaron á protagonista do equipo de baloncesto? É todo tan raro... como acabará a historia?

Para a próxima xuntanza imos ler ata o capítulo 10.

Día da Muller e a Nena na Ciencia

No mes de febreiro seguimos con CIENCIA na biblioteca! Neste caso lembrando  mulleres inventoras que cos seus inventos nos fixeron a vida máis fácil.

Ademais, seguimos con experimentos de CIENCIA EN MOVEMENTO para o alumnado de 6ºde EI, 2º e 3º de Primaria.

O alumnado de 6º de EI descubriu como funcionan os submarinos.

Os submarinos ascenden e descenden na auga gracias a un sistema de tanques denominados "lastres". Cando precisan aumentar a súa densidade para afondar, estos depósitos énchense de auga. Se, polo contrario, precisan emerxer, expulsan o liquido e inxectan aire a presión, conseguindo así que floten.

Nós fixemos un "submarino" moi particular reutilizando unha botella de auga e un tubiño de cristal. 

Queredes ver como funcionou?

O alumnado de 2º e 3º descubriron as cores primarias con tinta negra e auga, como funciona o envasado ao baleiro e que pasa cando poñemos un papel enriba dun vaso con auga e lle damos a volta ao vaso cheo. Por que a auga non cae?: un experimento de forzas.

Mandadiños do Meco

                     Boas entroideiros e entroideiras,

os MANDADIÑOS DO MECO deberás argallar.

Non son acumulativos, iso debes lembrar,

así que con ledicia imos troulear!

         Escoita os mandadiños na voz do alumnado de 6ºB.                                      

1,2,3... ENTROIDO!

 Co Petardazo en Xinzo de Limia comezamos a troula,,, chega o ENTROIDO, unha das nosas festas galegas favoritas. 

Queredes saber que é o entroido? Premede no vídeo para coñecer datos interesantes desta festa tan divertida.

ANDROLLA, CHARRÚA, FILLOAS, MECO, PANTALLA... Imos aprender estas e outras palabras relacionadas coa festa con este completo DICIONARIO ENTROIDEIRO.

Nesta festa non pode faltar unha boa CHARANGA para por a música nos desfiles, na festa, nas rúas... 

Queredes unha CHARANGA Á CARTA? Premede na imaxe e poderedes crear a vosa charanga con música entroideira.

Aí vos deixamos unha presentación para ser expertos no Entroido: actividades, xogos, cantigas, recomendacións lectoras...

Lectura coa "cociñeira defunta"

 Este venres tivemos unha nova xuntanza o Grupo 1 do Club de Lectura, as alumnas acordaran traer lido ata a metade da novela "Escarlatina, a cociñeira defunta" de Ledicia Costas.

Estivemos a falar da lectura, en xeral está gustando bastante aínda que hai quen confesa que nalgunhas partes pasa un chisco de "medo".

Para a próxima reunión con este grupo remataremos o libro e faremos e degustaremos algunhas das receitas que saen na novela.