Coa chegada do Samaín, os alumnos e alumnas de 5ºB senten a emoción dun día máxico e misterioso. Non só pensan en cabazas e disfraces, senón tamén en como canalizar a enerxía destas datas para os seus obxectivos.
Nesta data elaboraron conxuros para aprobar os exames.
Eles din que cos conxuros o coñecemento se "pega" mellor. Escoitémolos!
bibliotecaoruxidoiro@gmail.com
Boas lecturas!
Os lingoreteiros de 2º reúnense no Día das bibliotecas, con este podcast titulado
"Contos que encantan"
Un podcast sobre os nosos contos favoritos.
Chegou o tempo das cabazas, das meigas, dos trasnos e dos contos cheos de misterio!
Una ano máis celebramos o SAMAÍN dun xeito moi especial: lendo e imaxinando.
Hai libros con pantasmas que fan rir, con bruxas simpáticas, con monstros que se fan amigos e con misterios que podemos resolver xuntos.
Podedes convertirvos en pequenos exploradores de contos: escollendo un libro de medo ou de risa, imaxinando finais diferentes, facendo debuxos de personaxes ou mesmo creando o teu propio conto de Samaín.
Así que--- abre un conto, acende a túa imaxinación e deixa que a maxia das palabras ilumine a noite máis misteriosa do ano.
Deixamos unhas recomendacións de contos, cantigas, adiviñas... para pasar un Samaín lendo e pasando un rato terrorífico!
Este curso estamos a darlle unha nova redistribución á biblioteca. a biblioteca descansará un poquiño das vosas visitas mais os libros non queixeron quedar quietos!
Como non poderemos visitar a biblioteca, é a biblioteca a que virá ás nosas aulas!
Chega a... BIBLIOTECA MÓBIL
Serán unhas caixiñas cheas de contos, aventuras, historias e aprendizaxes. Cada aula recibirá unha selección de libros adaptados ás idades e gustos de cada grupo, para que todos e todas poidamos seguir lendo, soñando e descubrindo o mundo das palabras.
Cada caixiña viaxa polos corredores do colexio ás vosas aulas, un pequeno tesouro que tedes que coidar.
Os nenos e nenas poderedes escoller o teu libro favorito,compartir lecturas, facer recomendación s lectoras e fozar da lectura en grupo. Ademais, teredes un carné de bibliotecario e bibliotecaria para ir practicando.
A BIBLIOTECA MÓBIL chega a cada recuncho, mantendo viva a ilusión polos libros mentras esperamos poder volver á nosa biblioteca grande.
Familias, nenos, nenas e profes xuntámonos para recitar poesía. Poemas de mulleres escritoras galegas e poemas creados nas nosas aulas.
.png)
A biblioteca comeza de novo co programa Coser e cantar. O alumnado que o desexe poderá acompañarnos na FíOTECA, un espazo para crear, reciclar e coser.
Un ano máis, a nosa biblioteca escolar convértese no corazón do saber compartido. Este curso iniciamos unha nova viaxe de aprendizaxe arredor dun tema que nos toca moi de preto: os montes e o seu coidado. Baixo o lema “Coidamos os montes, sementamos futuro”, queremos reflexionar sobre a importancia dos ecosistemas forestais, a súa biodiversidade e o papel que cada un de nós pode xogar na súa protección.
Os montes son fonte de vida, de cultura, de sustento e de beleza. A través deste proxecto documental integrado, o alumnado investigará sobre:
A flora e fauna autóctonas.
Os incendios forestais e as súas consecuencias.
O aproveitamento sostible dos recursos do monte.
As tradicións e lendas vencelladas á natureza galega.
As accións cotiás que podemos levar a cabo para sementar un futuro máis verde.
Desde a biblioteca iremos ofrecendo recursos, exposicións, lecturas recomendadas, actividades de investigación e encontros con persoas que traballan a prol da conservación dos nosos montes.
Convidamos a toda a comunidade educativa a participar activamente, a compartir ideas, lecturas, imaxes e experiencias que nos axuden a coidar o que é de todos. Porque cada semente de coñecemento que plantamos hoxe é unha árbore de esperanza para o mañá.
.png)
A biblioteca do Ruxidoiro xa está de volta!
Neste mes de setembro estamos organizando e poñendo a punto este espazo. Este curso, imos facer unha redistribución dos espazos así que abriremos a biblioteca máis tarde do habitual. Como a biblioteca non estará á disposición dos usuarios, será a biblioteca a que se mova ás aulas a través da BIBLIOTECA MÓBIL. Cunha selección de libros, contos, cómics e revistas, serán nas aulas os propios usuarios os encargados de facer os empréstitos e as devolucións.
Para a redistribución da biblioteca precisamos de moita axuda e quen mellor que o propio alumnado de 6º, os usuarios que logo gozarán desas lecturas nesta fantástica biblioteca!
Agora que rematou o curso, o equipo de biblioteca déixavos as recomendacións de lecturas para os tempos de lecer deste verán. Premede na imaxe para descubrir novas aventuras!
A piques de rematar o curso chega o momento de despedir aos nosos axudantes. Agradecer toda a labor que fixo este grupo de nenos e nenas ao longo de todo o curso, que foi moito!
Empréstitos, devolucóns, recomendacións de lecturas, preparación dos espazos para os obradoiros, creación de cartaces, decoración de días especiais, obradoiros de experimentos en infantil co club de ciencia, colocación de libros nos andeis... e un sinfín de actividades máis.
O último día despedímolos cunha pequena festa, uns agasallos e un diploma da súa labor.
Botaremos de menos o seu entusiasmo e a súa implicación. Moitas grazas!
Falamos da novela, de libros e da vida. A novela trata un tema durísimo para calquer persoa como é a morte dun fillo.
Narrado dun xeito sensible e natural, de xeito case poético, María contounos as súa viviencia persoal e que o que pretendía escribindo a novela era dar visibilidade a perda nun bebé.
Como mostra de agracemento a María, quixemos agasallala cun pequeno detalle agardando que se sentise a gusto e cómoda entre nós.
Moitas grazas María por acompañarnos! Volve cando queiras!
Contar contos na clase dos netos e das netas. Esperámolos con moita ilusión.
Como cada ano, cando chegamos ao mes de xuño, temos que despedirnos dos dous grupos que este curso participaron no Ruxi Club.
A coordinadora do Club de Lectura fixo entrega a cada participante dun diploma pola constancia e interese en cada xuntanza.
Como xa apreta o calor, nada mellor para despedirnos fresquiños e cun bo sabor de boca que cun rico xeado.
O 27 de maio visitou de novo a nosa biblioteca unha cadeliña de Intervención asistida, Xana, acompañada de Nuria, psicopedagoga e mestra de Educación Infantil no CPI Terras de Maside.
Coa axuda dos nenos e das nenas de 6º de Educación Infantil e 1º de educación Primaria, contounos coa axuda de PICTOS o conto "Jozko, o apicultor".
Na última xuntanza do Club de Lectura, as rapazas o Grupo 1 remataron de ler o libro de Iria Misa, "Unha veciña de película". Despois de comentar e debatir sobre a lectura subimos a radio e alí quixeron gravar unhas recomendacións moi interesantes sobre este libro. Atentas ao que nos contan Aroa, Keila, Sabela, Valentina e Ruth sobre esta lectura.
Próxima lectura "El Club de los raros" de Jordi Sierra i Fabra.
A Real Academia Galega acordou dedicar o
Día das Letras Galegas 2025
á poesía popular oral, personificado en
Adolfina e Rosa Casás Rama, de Cerceda, Eva Castiñeira Santos, de Muxía, e Manuela Lema, Teresa García Prieto e Prudencia e Asunción Garrido Ameixenda, integrantes estas catro das Pandeireteiras de Mens (Malpica).
A orixe da nosa lingua guapa, película de ficción realizada polos nenos e nenas e unha mestra do CPI Santa lucía de Moraña.
Mil libros, mil historias, mil contos na mellor compañía!
Este foi o noso día de APADRIÑAMENTOS LECTORES:
